أفضل طريقة لاختصار مرحلة المشاكل الزوجية هي ( المرجعيّة المشتركة )

1-والمرجعيّة المشتركة الأولى هي الدين 2-ثمّ الأصول 3-ثمّ المنطق يعني لو اختلفتوا على حاجة إنتا ومراتك

والحاجة دي ليها مرجعيّة دينيّة فخلاص ما تضيّعش وقت قول لها دي حرام طلعت نزلت يا حبيبتي دي حرام

ما أقدرش اعمل فيها حاجة-

لو حاجة ما فيهاش حكم شرعيّ صريح نرجع للأصول - للعرف يعني إحنا مش من أصولنا وعاداتنا إنّنا بنعمل كده -

لو أمر مستجدّ بقى وما تعرفش تأصيله الدينيّ ولا له مرجعيّة في العرف

ففيه المنطق يعني بالعقل إيه الأصلح ؟! وبعد كدة، مطلوب منّك انك تعدي مع زوجتك قلت لها على حاجة

منشّفة دماغها عادي قول لها مرّة واتنين وعشرة اعتبرها طفلتك الأولى أنا شخصيّا ماشي بالقاعدة دي

ومستريّح بيها جدّا قاعدة إنّ ( زوجتي هي بنتي الأولى ) فيه أبّ ممكن يسيب بنته ؟!ممكن يضرب بنته ؟!

ممكن يكره بنته ؟!أصلها عملت وعملت عادي ما بناتي ياما بيعملوا باعمل لهم إيه يعني ؟! ولا حاجة

يتدلّعوا على باباهم زيّ ما همّا عايزين - خلافات كتير هتتحلّ قبل ما تكبر لإنّكوا بقى عندكوا مرجعيّات -

أنا بشبّه حبّ المخطوبين بأسنان الطفل بعد الجواز لازم طقم أسنان الطفل كلّه يقع ويطلع طقم أسنان جديد-

لازم توصلوا لمرحلة إنّكم تخسروا كلّ الحبّ الوهميّ اللي كنتوا جايّين بيه من مرحلة الخطوبة

ويطلع لكم حبّ جديد - وهوّا ده الحبّ الحقيقي.