في سورة في القرآن إسمها الجاثيه , لأن يوم القيامه ساعة تطاير الصحف هنكون قاعدين على ركبنا مرعوبين ساعة تطاير الصحف , فرق من إنك تكون قاعد عادي , و إنك تكون في حالة جثو , يعني مرعوب و خايف مستني صحيفتك هتيجي في أي أيد .

 - السيده عائشه سألت النبي صلى الله عليه وسلم عن ان هل في حد

هيذكر حبيبه يوم القيامه ذكرلها 3 مواقف محدش هيذكر فيهم حد

منهم ساعة تطاير الصحف .

.

- لما تاخد كتابك بيبمنك و تقف تقرأه قدام ربك يوم القيامه

فـ تيجي عند الذنب , فـ ربك الرحيم سبحانه يقولك فيما معناه

أنا سترتها عليك في الدنيا مش هفضحك و سأغفرها لك اليوم

فـ ساعتها أنت من فرحتك تنده و تقول :

(هـاؤم أقرأو كتابيه إني ظننت أني مُلاقٍ حسابيه )

مش مكفيك أنك قرات كتابك ,

أنت عايز كل الناس تيجي تقرأ صيحفتك من فرحتك بربك :") .

.

- اما لو كنت من أصحاب الشمال( اعاذنا الله و أياكم ) هتصعق

من أزاي كل ذنب مكتوب .. بتوقيته .. بزمنه .. بكيفيته .. و مُسطر

من صدمتك .. لسانك هيتقل .. مش هتقدر تنطق .. أصل هتقول ايه ؟!

كتابك و انت الـ ألفته.

- قال تعالى (( أقرأ كتابك كفى بنفسك اليوم عليك حسيبا ))

أنت مش محتاج حد يحاسبك .. نفسك تكفيك .. أنت الـ مليت

الحفظه يكتبوا أيه .. لا زادوا ولا نقصوا .. هتفتح الكتاب و تشوف تأليفك ..

- ممكن نكون من الناس في الـ كتابه " كان عبد لا يعرف يعصي الله " ؟!

- صحيفتك كل ليله بتقفلها بأستغفار بتترفع " بيضاء " الى السماء ..

- يوم القيامه إنك تشوف في صحيفتك " تسبيحه " او " دمعه من خشية الله "

هتبقى عندك خير من جبال الدنيا ذهباٍ ..

- الاستغفار في الصحيفه نور يتلألأ في الصحائف , ليك أن تتخيل الاستغفار

في صيفحتك منورها إزاي ..

- حاول كل يوم تقفل صيحفتك على أي عمل يرضى الله , ركعتين قيام ,

كم صفحة قرآن , أستغفار و توبه , الـ صفحه الـ بتنطوي في يوم مش

بترجع تاني ..

- كل مره بتستغفر الله .. على كل ذنب مهما كان عظمه . بيتبدل

مكانه حسنات .. يوم القيامه تتصدم من إن كمية ذنوبك كلها أتبدلت

لحسنات .. علشان كان جمبها كلمة " توبه " ..

- ورد يومي كل يوم قبل ما تنام .. ركعتين توبه عن كل أخطاء يومك ..

فـ طوبى لمن وجد في صحيفته إستغفاراً كثيرا ..

- أجتهد في طاعة الله .. و الذنب الـ بتسيبه بيتكتب انك سبته لله ..

و الطاعه الـ عملتها مهما كانت صعوبتها بيتكتب ده .. و التسبيحه

و الذكر و العمل الصالح و جبر خاطر الناس و الإبتسامه الطيبه

و كل حسنه مهما صغرت و كل سيئه مهما عظمت كله في كتابك

بيتقفل انهرده ومش هيتفتح تاني .. غير على يوم القيامه ..

اللهم رداً جميلاً .